Yaşlılar maşın sürsün, ya yox? - AVROPADA DEBAT 

Yaşlı sürücülərin törətdiyi qəzalar artdıqca Avropada bu kateqoriyadan olan şəxslərin sürücülük hüququnun məhdudlaşdırılması ilə bağlı təkliflər də artır. 

Avtosfer.az xəbər verir ki, bu məsələdə fikirlər haçalanır. Sərt xətt tərəfdarları müəyyən yaşdan sonra insanların sürücülük hüququnun ləğvini tələb edirlər. Lakin onlarla razılaşanların sayı azdır. 

Ümumilikdə isə, Avropa İttfaqına üzv ölkələrdə sürücülük yaşı və  vəsiqələrin verilmə müddəti ilə bağlı konkret qayda yoxdur. Məsələn, Fransa və Maltada sürücülük vəsiqələri ömürlük verilir. Hazırda Avropa Komissiyası müddətsiz vəsiqələrin əleyhinə çıxır. 

İkinci xəttin tərəfdaları isə yaşlı sürücülərin vəsiqələrinin birdəfəlik ləğvinə qarşı çıxırlar. Onların fikirincə, hər bir sürücüyə fərdi yanaşma zəruridir. Yaşlı sürücülərin vəsiqələri yenilənərkən onların sağlamlığı ilə yanaşı, keçirdikləri qəzalar da nəzərə alınmalıdır.

Ekspertlərin fikrincə, ictimai nəqliyyatın olmadığı kənd yerlərində avtomobil yaşlı insanların yeganə sosiallaşma vasitəsidir. Onları bu vasitədən məhrum etmək hüquq pozuntusu olar.

Sürücü assosiasiyaları da qayda pozmayan şəxslərin yaşına görə vəsiqələrinin ləğvini ədalətsiz hesab edir.

Vüqar