Yerdə maqnit qasırğası başlayıb

Oktyabrın 11-i gecədən Yer maqnitosferində maqnit qasırğası başlayıb. Onun səviyyəsi getdikcə artır və artıq orta səviyyəyə yaxınlaşıb.

Avtosfer.az-ın APA-ya istinadən xəbərinə görə, bu barədə Rusiya Elmlər Akademiyası Fizika İnstitutunun Günəşin Rentgen Astronomiyası Laboratoriyasından bildirilib.

Qeyd olunub ki, belə vəziyyətlərdə Yerə çatan plazma buludu kosmik peyklərin radiasiya yükünü artırır, Yer səthinə yaxın maqnit sahəsinin dalğalanmalarına təsir edir. Maqnitosferdəki bu dəyişiklikləri şimal en dairələrində müşahidə etmək mümkündür.

Laboratoriyanın məlumatına əsasən, Günəşdəki alovlanma oktyabrın 9-da başlayıb. Bu, orta səviyyəli alovlanma olub. Tac maddəsinin Yerə çatması üç gün çəkib.