“YouTube”də 45 dəqiqədən çox vaxt keçirmək niyə zərərli hesab edilir? - ARAŞDIRMA

Rəqəmsal dövr sosial medianı gündəlik həyatın ayrılmaz hissəsinə çevirməyə davam edir. Lakin bu platformalardan nə qədər vaxt sərf etmək asılılıq riskini artırır? “TikTok”da 35 dəqiqə, “Instagram”da 30 dəqiqə, “YouTub”da isə 45 dəqiqə limitləri gündəmi zəbt edir.

Avtosfer.az xəbər verir ki, sosial media platformalarının dizaynı, istifadəçilərin beynində dopamin istehsalını artıraraq asılılıq yarada bilər. “TikTok”un "sonsuz sürüşdürmə" alqoritmi, istifadəçini platformada saxlamağa xidmət edir. “Instagram”da 30 dəqiqədən çox istifadə subyektiv rifahı azalda bilər, “YouTube”da isə 45 dəqiqəlik fasiləsiz video istehlakı diqqətə mənfi təsir edə bilər. “X”də isə tez-tez istifadə edildikdə asılılıq riski artır.

Alimlər sosial media istifadəsi üçün ümumi bir vaxt təyini etməyin yanıltıcı ola biləcəyini vurğulayır. Lakin gündə 1 saatdan çox istifadə, xüsusilə gənclər üçün diqqət dağınıqlığı və psixi sağlamlıq problemləri ilə nəticələnə bilər.

Mütəxəssislər belə asılılıqlardan uzaq durmaq üçün aşağıdakları etməyi tövsiyyə edir:

1)vaxt məhdudiyyətləri təyin edərək izləmək;

2)rəqəmsal detoks günləri təşkil etmək;

3)aktiv istifadə və kreativ qarşılıqlı əlaqə qurmaq.

Alimlər araşdırmaların nəticələrinə əsasən sosial medianın mənfi təsirlərini azaltmaq üçün öz "qırmızı xəttini" müəyyənləşdirməyin vacibliyini bildirir.

Eltac Zülfüqaroğlu