Səidənin qətlinə görə saxlanılan əmisi oğlu ona təcavüz edib? - VIDEO

Xəbər verdiyimiz kimi , Masallı rayonunda 7 il əvvəl itkin düşən Səidə Cəfərovanın qətlə yetirildiyi məlum olub və əmisi oğlu Əfrayıl Cəfərov saxlanılıb.
“Qafqazinfo”nun məlumatına görə, Səidənin anası Bibixanım Cəfərova 2021-ci ildə Xoşqədəm Hidayətqızının proqramına çıxıb. O, Səidənin əmisi oğlu Əfrayıl tərəfindən öldürüldüyünü iddia edib. Belə ki, B.Cəfərova 2015-ci ildə 1 ay müddətində Bakıda digər qızının müalicəsi ilə əlaqədar xəstəxanada olduğu vaxt Səidəni əkin sahəsinə hər gün Əfrayıl aparıb-gətirib.
Ana əlavə edib ki, qızı gündəlik tutub və hər gün yaşadıqlarını gündəliyə yazıb. Gənc qız həmin gündəlikdə Əfrayılın ona təcavüz etdiyini qeyd edib.
"Səni axtarıram" verilişində qonaq olan Əfrayıl isə ittihamları rədd edib. Lakin o, həmin vaxt təcavüz söz-söhbətinin yaranmasına görə Səidə ilə evlənməyə razı olduğunu deyib. Əfrayılın atası Əlisa Cəfərov da qardaşı qızı barəsində xoşagəlməz söhbətlərin yarandığı vaxt onu oğlu ilə evləndirmək istədiyini, bunu isə nəslin adına görə etmək istədiyini deyib.
Verilişdə qonaq olan Əfrayıl Səidənin yoxa çıxmasından bir neçə gün əvvəl onu atasının əmisi nəvəsi ilə həyətdə gördüyünü və irad bildirdiyini, bu zaman isə qızı döydüyünü etiraf edib.
Fotoda: Bibixanım Cəfərova və Əfrayıl Cəfərov

Qeyd edək ki, bir ilə yaxın aparılan araşdırmalardan sonra Masallı rayon Prokurorluğu itkin düşmə faktı ilə bağlı istintaqı intensivləşdirib. Əldə edilmiş məlumatlar, həmçinin iddialar araşdırılaraq təsdiqini tapıb və Səidə Cəfərovanın 2015-ci ildə əmisi oğlu, Təklə kənd sakini, 1993-cü il təvəllüdlü Əfrayıl Əlisa oğlu Cəfərov tərəfindən öldürülərək çay kənarında basdırılması müəyyən edilib.
O, şübhəli şəxs qismində saxlanılıb. Faktla bağlı cinayət işi açılıb.
Nizam Rza
Tahir Qədəşovun kürəkəninə 11 il həbs verildi - “Atlant” müsadirə edildi
Badamdarda torpaq sürüşməsi təhlükəsi - VİDEO
Media və Yayım Şurası Fransadan idarə olunan "YouTube" kanalını ifşa edib
Ali məktəblər üçün yeni dövr: Hansı universitetlərə xüsusi status veriləcək?
Tələbələrin fotolarını montaj edib şantaj edən şəxs saxlanıldı - VİDEO
Bakı-Qazax yolunda təhlükəli vəziyyət - VİDEO
Nəvəsinin andiçmə mərasiminə gələrək itkin düşən kişinin meyiti tapıldı
Bakı körpülərinin sədləri nə qədər təhlükəsizdir? - RƏSMİ CAVAB
“Sükan arxasında insan həyatı ilə oynamaq bağışlanmaz məsuliyyətsizlikdir” - Rövşən Tağıyev
Məhkəmə generalın qızı ilə bağlı QƏRAR VERDİ
Bakıda külək güclənəcək - XƏBƏRDARLIQ












