ABŞ bu ölkəyə F-16 vermədi – Rusiyaya görə

F-16 qırıcılarının Bolqarıstana çatdırılmasında yaranan gecikmələr ABŞ-ın rəsmi Sofiyaya məxfi məlumatların mühafizəsi məsələsində inamsızlığı və Rusiyaya məlumat sızması ehtimalı ilə bağlıdır.

Axar.az xəbər verir ki, bu barədə “Euractiv” portalı məlumat yayıb.

“Məxfi məlumatların mühafizəsi ilə bağlı problemlərimiz var. Güman edirəm ki, F-16 qırıcıları məhz bu səbəbdən gecikir, çünki texnologiyanın təhlükəsizliyinə 100% təminat verilmir”, - Bolqarıstanın keçmiş müdafiə naziri Velizar Şalamanov bildirib.

Bolqarıstanın daha bir keçmiş müdafiə naziri Todor Taqayev də hesab edir ki, qırıcı təyyarələrin istehsalı ilə bağlı gizli texnologiyalar rusların əlinə keçə bilər.