ABŞ-da növbəti atışma baş verib, 6 nəfər ölüb

ABŞ-da növbəti silahlı insident qeydə alınıb.

Bu barədə “Report” “RİA Novosti”yə istinadən xəbər verir.

Məlumata görə, hadisə Koloradoda olub. Doğum günü münasibətilə təşkil edilən əyləncə mərasimində baş verən atışma zamanı 6 nəfər ölüb. Polisin məlumatına görə, hadisəni törədən şəxs özünü də öldürüb.

Qeyd edək ki, ABŞ-ın Arizona ştatında da atışma olub. Finiks şəhərində, “Hyatt Regency” otelində baş verən insident zamanı 1 nəfər öldürülüb, daha 7 nəfər xəsarət alıb.