ABŞ-də benzinin qiyməti REKORD HƏDDƏ ÇATDI

ABŞ-də gün ərzində benzin bir qallonunun qiyməti 4.18 dollara (bir litri təxminən 1.1 dollar) yüksələrək 2022-ci ilin avqustundan bəri rekord göstərici olub.

Avtosfer.az xəbər verir ki, bu barədə TASS məlumat yayıb.

Qeyd olunur ki, qiymət bir gün ərzində təxminən 6 sent artıb ki, bu da son beş həftə ərzində ən böyük birgünlük bahalaşmadır.

Neft füçerslərinin qiymətlərinin yüksəlməsi Birləşmiş Ştatlarda da benzinin bahalaşmasını tətikləyir.

Ən yüksək qiymət Kaliforniya ştatında qeydə alınıb - orada bir qallon benzinin qiyməti 5.96 dollara çatıb.

CNN xatırladır ki, ABŞ-də benzin qiymətləri aprelin əvvəlində İranla münaqişədə atəşkəs elan edildiyi andan iki həftə ərzində düşürdü, lakin dalana dirənmiş danışıqlar fonunda yanacaq yenidən bahalaşmağa başlayıb.

ABŞ-nin konsaltinq şirkəti "Lipow Oil Associates"in proqnozuna görə, ölkə üzrə benzinin orta qiyməti yaxın bir həftə və ya 10 gün ərzində bir qallon üçün 4.30 dollara qədər yüksələ bilər.