Almaniya təcili olaraq zərbə PUA-ları alacaq

Almaniyanın müdafiə naziri Kristine Lambrext silah daşıya bilən pilotsuz uçuş aparatlarının alınmasına çağırıb.

O, bu barədə bazar günü “Funke” media qrupuna verdiyi müsahibəsində bildirib.

Nazir zərbə PUA-larınnın “cari qanunvericilik dövründə alınmasını” təmin etmək üçün səy göstərəcəyini vəd edib.

Qeyd edək ki, son illərdə Almaniya Hərbi Hava Qüvvələri komandanlığı qaynar nöqtələrdə hərbçiləri qorumaq üçün zərbə dronlarının istifadəsinə icazə verilməsini tələb edir. Belə ki, kəşfiyyat PUA-ları xeyli müddətdir ki, Bundesverin xidmətindədir. Lakin onlar silah daşımaq üçün çox kiçikdir.

oxu.az