AZAL Təl-Əviv-Bakı aviareysinin sərnişinlərinə müraciət edib

“Azərbaycan Hava Yolları” QSC-nin (AZAL) Təl-Əviv-Bakı reyslərinin qeydiyyatı və baqaj qəbulu müvəqqəti olaraq Ben Qurion adına Beynəlxalq Hava Limanının 1-ci Terminalında həyata keçiriləcək.

Avtosfer.az xəbər verir ki, bu barədə AZAL-ın sərnişinlərə müraciətində bildirilir.

Qurum bəyan edib ki, fevralın 21-dən martın 7-nə qədər Təl-Əviv hava limanında sərnişinlərə xidmət sisteminin təkmilləşdirilməsi istiqamətində işlər aparılacaq. Uçuşu bu elanda göstərilən tarixlər aralığına düşən sərnişinlərdən xahiş olunur ki, Tel-Əviv hava limanının birinci terminalında qeydiyyatdan keçsinlər.