Azərbaycan qanunvericiliyinə "velosiped zolağı" və "velosiped yolu" anlayışları daxil edilir

Azərbaycan qanunvericiliyinə "velosiped zolağı" və "velosiped yolu" anlayışları daxil edilir.

Avtosfer.az-ın xəbərinə görə, bununla bağlı "Yol hərəkəti haqqında" qanuna dəyişiklik layihəsi parlamentin bu gün keçirilən iclasında birinci oxunuşda müzakirəyə çıxarılıb.

Velosiped zolağı - yolun hərəkət hissəsinin velosipedlərin hərəkəti üçün nəzərdə tutulmuş uzununa nişanlama xətti ilə ayrılmış hissəsidir.

Velosiped yolu - avtomobil yolundan və ya avtomobil yolunun digər elementlərindən konstruktiv şəkildə ayrılan, velosipedlərin hərəkəti üçün işarələnmiş ayrıca yoldur.

Müzakirələrdən sonra qanuna dəyişiklik layihəsi səsverməyə çıxarılaraq I oxunuşda qəbul edilib.