Azərbaycandan tranzitlə aparılan tərəvəz yükündə psixotrop maddə aşkar edilib - FOTO
Xəbərlər
1 Dekabr 2021 16:47
Oxunub 2030
Dövlət Gömrük Komitəsinin (DGK) Cənub Ərazi Baş Gömrük İdarəsinin əməkdaşları psixotrop maddənin ölkənin gömrük sərhədindən qanunsuz olaraq keçirilmə cəhdinin qarşısını alıblar.
Bu barədə Avtosfer.az DGK-ya istinadən xəbər verir.
Belə ki, İran İslam Respublikasından ölkəmizdən tranzit keçməklə Rusiya Federasiyasına "Badımcan" yükü aparan "Volvo" markalı yük avtomobili Astara gömrük postunun idxal yoxlama xəttində saxlanılıb.
Yoxlama zamanı nəqliyyat vasitəsinin kabinəsinin arxa hissəsində yerləşən yataq yerinin üzərində, şəxsi əşyaların qoyulması üçün nəzərdə tutulan qara rəngli qovluqda gömrük nəzarətindən gizlədilən 1 ədəd xırda bükümdə, ümumi çəkisi 2 qram olan psixotrop maddə - metamfetamin aşkar edilib.
Xatırladaq ki, metamfetamin "Azərbaycan Respublikasının ərazisində dövriyyəsi qadağan edilən psixotrop maddələrin I Siyahısı"na daxildir.
Faktla bağlı araşdırma aparılır.
ŞƏRH YAZ
DİGƏR XƏBƏRLƏR
