Azərbaycanın Əməkdar artistinə fəxri ad verildi

Azərbaycan Respublikasının Əməkdar artisti, Dərbənd Dövlət Azərbaycan Dram Teatrının baş rejissoru Sərvər Bəhlul oğlu Əliyevə fəxri ad verilib. 

Avtosfer.az xəbər verir ki, o, "Dağıstan Respublikasının Əməkdar incəsənət xadimi” fəxri adına layiq görülüb.

Bu yüksək fəxri ad sənətkara uzun illər ərzində teatr sənətinə verdiyi töhfələrə, səhnə mədəniyyətinin inkişafı istiqamətində göstərdiyi xidmətlərinə və Azərbaycan milli teatr ənənələrinin Dərbənddə yaşadılması sahəsindəki fəaliyyətinə görə verilib.