Çin mallarına rüsumların tətbiqi tələb olunur

Vaşinqton administrasiyası Meksikadan Çindən gələn mallara idxal rüsumları tətbiq etməyi tələb edib.

Avtosfer.az xəbər verir ki, bu barədə “Bloomberg” agentliyi məlumat yayıb.

Məlumata görə, ABŞ-ın ticarət naziri Hovard Lutnik bu sxemi fevralın 20-də Vaşinqtonda Meksikanın iqtisadiyyat naziri Marselo Ebrardla danışıqlar zamanı açıqlayıb.

Görüşdən sonra Ebrard məsələ ilə bağlı konstruktiv dialoqun başlandığını bildirib.

Qeyd edək ki, fevralın 1-də Tramp Kanada, Çin və Meksikadan gələn mallara daha yüksək tariflər tətbiq edən sərəncam imzalayıb.