Deputat: "Bakıda avtomobillərin uzunmüddətli saxlanması üçün yerlər yaradılmalıdır"

“Bakıda parklanma məsələsi çox ciddi problemdir. Bunun yeganə yolu Bakıda avtomobillərin uzunmüddətli saxlanması üçün yerlərin yaradılmasıdır”.

Avtosfer.az-ın xəbərinə görə, bu fikirləri Milli Məclisin deputatı Fəzail Ağamalı parlamentin bu gün keçirilən iclasında “Yol hərəkəti haqqında” qanuna və İnzibati Xətalar Məcəlləsinə dəyişikliklərin I oxunuşda müzakirəsi zamanı deyib.

Onun sözlərinə görə, bu məsələ şəhərsalma məsələsinə daxil edilməldir: “Parklanma və kanalizasiya problemləri Bakı üçün ciddi problemdir. Bu məsələlər həll olunmayınca heç bir cərimələr bunun qarşısını almayacaq”.