Ekspert “qara qutu” ilə bağlı maraqlı detalları açıqladı - VİDEO

Noyabrın 30-da Qaraheybət poliqonunda helikopter qəzasının baş vermə səbəbləri hələ ki, rəsmi açıqlanmayıb. 

Hamını helikopterin “qara qutu”sundakı məlumatlar maraqlandırır.

Bəs bu “qara qutu” nədir və onda hansı məlumatlar yer alır? 

Təhlükəsizlik məsələləri üzrə ekspert İlham İsmayıl deyir ki, “qara qutu”ların açılması adətən istehsalçı ölkə tərəfindən həyata keçirilir. Amma konkret bu helikopterin “qara qutu”sunun harada açılmasına gəlincə, bu barədə də hələ rəsmi açıqlama yoxdur. 

“Onu da deyək ki, bizim “qara” adlandırdığımız bu qutuların görünüşü heç də bu rəngdə olmur. Onların ya qırmızı, ya da narıncı olur. Bu rənglərin də seçilməsinə səbəb qəzalar zamanı qaranlıq meşəlikdən, yaxud dənizin dibindən bu qutuları daha asan tapmaq üçündür. Bu qutu bir növ özündə məxfi, sirli materialları və bəd xəbərləri daşıdığı üçün “qara” adlanır”.

Ətraflı Baku TV-nin süjetində: