Fanatlar birgə şəkil çəkdirərkən Formula 1 liderinin qol saatını oğurladılar

Formula 1 üzrə “Ferrari” komandasının pilotu Şarl Lekler gəzinti zamanı qarət edilib.

Hadisə axşam saatlarında İtaliyanın Viarecio şəhərində baş verib. Lekler fitnes üzrə məşqçisi və dostları ilə birlikdə gəzintiyə çıxıb və bu zaman naməlum şəxslər özlərini yarışçının pərəstişkarı kimi təqdim edərək onunla şəkil çəkdirməyi xahiş ediblər.

Nəticədə pilotun unikal kolleksiyadan olan “Rolex” saatı oğurlanıb. Onun dəyəri bir neçə min avro təşkil edir.

İdmançı itkini həmin şəxslərin gedişindən bir neçə dəqiqə sonra aşkarlayıb.

İndisentlə bağlı şəhər polisi araşdırmaya başlayıb.

oxu.az