İrandan gətirilən 23 tondan çox kartof yararsız çıxdı

Hüquqi şəxs "AGR GROUP" MMC tərəfindən İrandan idxal edilən ümumi çəkisi 23.6 ton ərzaqlıq kartof məhsulu partiyalarına baxış keçirilib.

Avtosfer.az xəbər verir ki, AQTA-ya istinadən xəbər verir ki, baxış zamanı idxal olunan məhsuldan nümunələr götürülərək, Qida Təhlükəsizliyi İnstitutunun müvafiq laboratoriyasında müayinələrə cəlb olunub.

Müayinələr nəticəsində nümunələrdə karantin tətbiq edilən orqanizm (“Ralstonia solanacearum” - kartofun qonur çürüməsi) aşkar edilib.

Agentlik tərəfindən istifadəyə yararsız ümumi çəkisi 23.6 ton ərzaqlıq kartof məhsulu partiyalarının İrana geri qaytarılması barədə qərar qəbul edilib.