Korçay qoruğunda mühafizə rejimini pozan şəxslər cəzalandırılıb

Korçay Dövlət Təbiət Qoruğunun əməkdaşları tərəfindən keçirilən nəzarət tədbirləri zamanı Qoruğun mühafizə rejimini pozan şəxslər saxlanılıb.

Bioloji Müxtəlifliyin Qorunması Xidmətinin rəsmisi Arzu Səmədova "Report"a bildirib ki, araşdırma zamanı qanun pozucularının Goranboy rayon sakini Duman Əliyev və Göygöl rayon sakini Asif Nəbiyev olduğu müəyyən edilib.

Xidmət rəsmisi qeyd edib ki, mühafizə rejimini pozan təqsirkar şəxslər barəsində qanunamüvafiq tədbirlər görülüb.