Makronun erməni sevgisi - Zəngəzur ... - FOTO

“Azərbaycan silahlı qüvvələri Ermənistan ərazisinə keçib. Dərhal geri çəkilməlidirlər”. 

Avtosfer.az Bizim.Mediaya istinadən xəbər verir ki, bu cür qeyri-obyektiv fikirləri Fransa Prezidenti Emmanuel Makron özünün tvitter hesabında paylaşıb.

Növbəti dəfə ermənilərlə həmrəkliyini nümayiş etdirən və ikili standartlara söykənən Fransa prezidenti erməni xalqına hər zaman dəstək olacağını bəyan edib:

“Bir daha erməni xalqına deyirəm: Fransa sizinlə həmrəydir və bundan sonra da davam edəcəkdir”,- deyə o vurğulayıb.

Qeyd edək ki, Azərbaycan ordusunun Sünik  (Zəngəzur) vilayətinin İşxanasar kəndi istiqamətində irəlilədiyi bildirilir. Ermənistan Baş naziri vəzifəsini icra edən Nikol Paşinyan məsələ ilə bağlı Təhlükəsizlik Şurasının iclasını keçirib.