Meksikanın Miçoakan əyalətində avtofurqonda 9 nəfərin meyiti tapılıb.

Avtosfer.az “RİA Novosti”yə istinadən xəbər verir ki, yerli prokurorluq idarəsi hadisə ilə bağlı istintaqın başlandığını bildirib.

Ölənlərdən 8-i kişi, 1-i qadın olub. Meyitlərin üzərindəki xəsarətlərin güllə yarası olduğu ehtimal edilir. Qurbanların şəxsiyyəti məlum deyil.

“Universal” qəzetinin yazdığına görə, qətlin arxasında “Miçoakan Ailəsi” (La Familia Michoacana) narkotik karteli dayana bilər.