Metroda sərnişinlərin sənədləri niyə yoxlanılır?

Bu gün metronun bəzi stansiyalarında sərnişinlərin sənədləri yoxlanıb.

Bu barədə Axar.az-ın sualına cavab olaraq Daxili İşlər Nazirliyinin (DİN) mətbuat xidmətinin şöbə müdiri Elşad Hacıyev bildirib ki, yoxlamada məqsəd metroya daxil olan vətəndaşlardan kovid-pasportu, yaxud hər hansı digər sənəd tələbi deyil:

“Koronavirus xəstəliyi şübhəsi ilə bəzi şəxslər yoxlanılır, ehtiyac yarandıqda hərarəti ölçülür və yalnız səhhətində ciddi problemlər olanlar metropolitenə buraxılmır. Digər hallarda isə metro stansiyalarına giriş tamamilə sərbəstdir”, – deyə o qeyd edib.