"Omikron" ştammı barədə bilmədiklərimiz - Almaniyada yaşayan tanınmış azərbaycanlı alim danışır

“İlk olaraq bir elm adamı kimi yeni B11529 virus variantının yayılmasını nəzərə alaraq Azərbaycan üçün ciddi yeni strategiya düşünməyin zamanı olduğunu qeyd edirəm. Bunu həm də bugünə qədər bütün atılan addımlardan xəbərdar olan və boşluqların harda olduğunu bilən birisi kimi də deyirəm”.
Bunu Almaniya Azərbaycanlıları Alyansının (AAA) İdarə Heyətinin sədr müavini, tibb elmləri doktoru Nuran Abdullayev deyib.
O, yeni virus variantının – “B11529”-nin Ümumdünya Səhiyyə Təşkilatının təklif etdiyi nomenklaturaya əsasən adının “Omikron” olduğunu diqqətə çatdırıb: “Bu cür mutasiyaların əsas yaranma səbəblərindən biri də daha öncələr xəstələnmiş insanların virusa yenidən yoluxmasıdır ki, bu da öz növbəsində immunitetin virusla mübarizəsi zamanı sonuncunun dəyişikliklərinə səbəb olur. “Omikron”un yoluxma zamanı daha ağır xəstəliyə səbəb olması və yayılma əmsalı barədə bu gün hələ ki, elmi tərəfdən istinad ediləsi heç bir tədqiqat yoxdur. Amma virusun sürətlə yayılması barədə artıq kifayət qədər praktik sübutlar var və bu istiqamətdə önümüzdəki günlərdə dəqiq statistik rəqəmləri görəcəyik”.
O, hazırda mövcud olan effektiv peyvəndlərin “Omikron”a qarşı effektivliklərini itirə biləcəklərini qeyd edib: “Amma bu o demək deyil ki, onlar tamamilə effektsiz olacaqlar. Bir şeyi də unutmaq olmaz ki, bu gün ən yüksək effektivlik göstərən peyvəndlərin “Omikron”a qarşı da eyni effektivliyini təmin etmək üçün təxminən 3 ay zaman lazımdır”.
N.Abdullayev epidemioloji cəhətdən “Omikron”un yayıldığı indiki zamanda müəyyən daxili qapanmaların tətbiqi və Azərbaycana hava yolu ilə olan səyahətlərə məhdudiyyətin qoyulmasının mümkün ola biləcəyini istisna etməyib: “Çünki bu gün mətbuatda virusun Cənubi Afrikadan gəlməsi heç də onun mütləq orada yaranması demək deyil. Artıq Belçika və Hollandiyada yeni virus variantının olması rəsmən təsdiqlənir. Almaniyada isə artıq son analizlərdən sonra “Omikron”un olduğu rəsmən təsdiqlənəcək. Son olaraq isə bir daha onu deyə bilərəm ki, dişlərinə qədər silahlanmış yeni virus variantına qarşı ciddi strategiya Azərbaycanda mütləq elmi əsaslı olmalıdır, əks halda xeyli yeni problemlərlə qarşılaşa bilərik”.
Naxçıvanda benzin qıtlığı var? - SOCAR-dan RƏSMİ CAVAB
Məşhur qadın biznesmenlə bağlı QƏRAR EDİLDİ
Vüqar Əliyev və 651 min manat: Bahalı hədiyyələr kimə sifariş edilib?
Vətəndaşlar şəhərdəki eskalatorların işləməməsindən narazıdır - EKSPERT
Tahir Qədəşovun kürəkəninə 11 il həbs verildi - “Atlant” müsadirə edildi
Badamdarda torpaq sürüşməsi təhlükəsi - VİDEO
Media və Yayım Şurası Fransadan idarə olunan "YouTube" kanalını ifşa edib
Ali məktəblər üçün yeni dövr: Hansı universitetlərə xüsusi status veriləcək?
Tələbələrin fotolarını montaj edib şantaj edən şəxs saxlanıldı - VİDEO
Bakı-Qazax yolunda təhlükəli vəziyyət - VİDEO
Nəvəsinin andiçmə mərasiminə gələrək itkin düşən kişinin meyiti tapıldı












