Polis rəisi: "İndiyədək Kiyev vilayətində 900-dən çox dinc sakinin meyiti tapılıb"

"Bu günədək Ukraynanın Kiyev vilayətinin azad edilən ərazilərində 900-dən çox dinc sakinin meyiti aşkarlanıb".

Avtosfer.az UNIAN-a istinadən xəbər verir ki, bunu Kiyev vilayəti Milli Polisi Baş İdarəsinin rəisi Andriy Nebitov aprelin 15-də keçirdiyi brifinqdə bildirib. O, həmin meyitləri aşkarladıqdan sonra detallı araşdırılması üçün məhkəmə-tibbi ekspertizaya verdiklərini deyib. A.Nebıtov vurğulayıb ki, Buça şəhərində isə Rusiya hərbçilərinin qətlə yetirdikləri 350-dən çox vətəndaşın meyiti çıxarılıb.