Qaxda şəhid ailələri, qazilər və aztəminatlı soydaşlarımız ziyarət olunub - FOTO

Qax Rayon Polis Şöbəsinin əməkdaşları Ramazan ayı ilə əlaqədar torpaqlarımızın azadlığı uğrunda canından keçən şəhidlərimizin ailələrini, qaziləri və aztəminatlı soydaşlarımızı ziyarət ediblər.
DİN-in Mətbuat Xidmətinin Şəki regional qrupundan verilən məlumata görə, şəhid ailələri və qazilərlə görüşdə dövlətimiz tərəfindən onlara göstərilən diqqət və qayğıdan, qəhrəmanlarımızın igidlik salnamələrindən danışılıb. Onların hünərinin qəlbimizdə əbədi yaşayacağı və gələcək nəsillər üçün örnək olduğu vurğulanıb.
Aztəminatlı ailələrin də evində qonaq olan asayiş keşikçiləri onlarla həmsöhbət olub, qayğıları ilə maraqlanıblar. Ümumilikdə rayon ərazisində yaşayan 60 belə ailə ziyarət olunub, onlara müxtəlif ərzaq məhsullarından ibarət sovqatlar təqdim edilib.