Qazax sakinində narkotik aşkarlandı - FOTO

Qazaxda yerli sakində narkotik aşkarlanıb.

Avtosfer.az bu barədə xəbəri Daxili İşlər Nazirliyinin Mətbuat Xidmətinin Gəncə regional qrupundan gələn məlumata əsasən bildirir.

Məlumata görə, Qazax Rayon Polis Şöbəsi (RPŞ) əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində qanunsuz olaraq narkotik maddə əldə edib saxlamaqda şübhəli bilən rayon sakini Nadir Bayramov rayon ərazisində saxlanılaraq, polis şöbəsinə gətirilib. Onun üzərində şəxsi axtarış keçirilən zaman 1 ədəd sellofan torbada, narkotik vasitə olan marixuana aşkar edilərək götürülüb.

Götürülən maddi sübut ekspertizaya təqdim edilib, faktla bağlı araşdırmalar davam etdirilir.