Sabunçuda qrunt suları ilə bağlı ayrılan vəsait tam xərclənməyib

2021-2024-cü illərdə “Bakı şəhərinin Sabunçu rayonunda qrunt sularının təmizlənməsi” tədbiri üzrə büdcə xərcləri proqnozla müqayisədə az icra edilib.

Avtosfer.az xəbər verir ki, bu barədə Maliyyə Nazirliyi məlumat yayıb.

Məlumata görə, sözügedən tədbirlə əlaqədar ayrılan büdcə vəsaitinin 2021-ci ildə 11.3%-i, 2022-ci ildə 13.9%-i, 2023-cü ildə 44.2%-i, 2024-cü ildə isə 13.9%-i icra edilib. Beləliklə, büdcə vəsaitinin 2021-ci ildə 88.7%-i, 2022-ci ildə 86.1%-i, 2023-cü ildə 55.8%-i, ötən il isə 86.1%-i istifadəsiz qalıb.

Təqdim  edilən  izahedici  məlumatlarda sözügedən tədbirlər üzrə vəsaitin proqnozdan daha az istifadə olunmasının səbəbləri kimi, ştatların optimallaşdırılması, satınalma prosedurlarının baş tutmaması,  müqavilə  dəyərinin  ehtimal  olunandan  aşağı  olması,  strukturun  təkmilləşdirilməsi tədbirləri, iki balıqartırma zavodunun ləğvi və s. səbəblər qeyd edilib.