Sumqayıtda ağacları kəsən şəxs böyük məbləğdə cəzalandırıldı - VİDEO - FOTO

Sumqayıtda ötən gücə ağac kəsən şəxslər cəzalandırılıb.

Avtosfer.az Oxu.Az-a istinadən xəbər verir ki, Sumqayıt şəhəri, 30-cu məhəllə 4/6 saylı binanın yaxınlığında gecə saatlarında ağacların kəsilməsi ilə bağlı Dövlət Ekoloji Təhlükəsizlik Xidmətinə daxil olan şikayət xidmətin əməkdaşları tərəfindən yerində araşdırılıb və fakt təsdiqini tapıb:

“Regional Ekologiya İdarəsinin rəsmisi Fərid Piriyev bildirib ki, araşdırma zamanı sözügedən ərazidə Ağanasib Kamilov tərəfindən iki ağacın kəsildiyi və təbiətə 2 700 manat məbləğində ziyan dəydiyi müəyyən edilib. Faktla bağlı akt tərtib olunub”.

“Dəymiş ziyanın məbləği cinayət tərkibi yaratdığından toplanmış sənədlər Sumqayıt şəhər prokurorluğuna göndəriləcək. Kəsilmiş ağacların yerinə isə yeniləri əkilib”, - deyə qeyd edilib.