“TikTok” üçün video çəkən məktəblilər fermanı yandırdılar

Rusiyanın Perm vilayətində məktəbli qızların “TikTok” üçün video çəkmək istəyi faciə ilə nəticələnib.

Bu barədə RİA “Novosti” xəbər verir.

Qeyd olunub ki, Nıtvenskiy rayonunda yerləşən fermaların birində, iki məktəbli qız “TikTok”a video çəkmək üçün quru otları yandırmağa və söndürməyə başlayıblar.

Lakin növbəti cəhd uğursuz alınıb və yanğın 195 ton ot bağlaması ilə birlikdə fermanı da məhv edib. Hər iki məktəbli qız saxlanılaraq onlarla profilaktik söhbət aparılıb. Bundan əlavə, təsərrüfat sahibinin qızların valideynlərini məhkəməyə vermək və dəyən ziyanı ödətdirmək hüququ var.