Türkiyənin 22 gəmisi Ukrayna sahillərində qalıb

Türkiyənin 22 gəmisi Qara dənizdə Ukrayna sahillərində qalıb, onlar ölkəyə qayıtmağı gözləyir. Ordu.az xəbər verir ki, bu barədə nəqliyyat və infrastruktur naziri Adil Karaismailoğlu bildirib.

O qeyd edib ki, gəmilərin və heyət üzvlərinin Türkiyəyə gətirilməsi üçün Rusiya və Ukrayna ilə danışıqlar davam edir.

Nazirin sözlərinə görə, müharibə başlayan günlərdə gəmilərdə 200 nəfər heyət üzvü olub. Onlardan bir qismi təxliyə olunub, qalan 90 nəfər isə təxliyə olunmaq istəməyib.