Ukrayna hərbçisi “İqla” ilə Rusiyanın Ka-52 helikopterini vurub

Ukrayna Ordusunun hərbçiləri Xarkovda Rusiyanın Ka-52 helikopterini məhv ediblər. Ordu.az xəbər verir ki, hadisənin təfərrüatları və PUA ilə çəkilmiş fotosu Ukrayna hərbçiləri tərəfindən “Facebook”da yayımlanıb.

Ukraynalı zabit qeyd edib ki, helikopteri vurmaq üçün “Stinger” israf edilməyib, hədəf “İqla” zenit silahı ilə məhv edilib.

Zabit bildirib ki, hazırda ruslar onun məsuliyyət zonasında artilleriya və aviasiya vasitələri ilə aktiv atəşə tutmağa çalışırlar.