Avtomobili qaçıran şəxs polisin "Saxla" əmrinə tabe olmadı

Abşeron Rayon Polis İdarəsinə aprelin 27-nə keçən gecə Xırdalan şəhəri ərazisindən şəhər sakini S.Mehdiyevə məxsus “VAZ-2104” markalı avtomobilin qaçırılması barədə məlumat daxil olmub.  

Daxili İşlər Nazirliyinin Mətbuat Xidmətindən Avtosfer.az-a verilən məlumata əsasən bildirilir ki, keçirilən əməliyyat-axtarış tədbirləri nəticəsində avtomobilin mayın 9-da saat 2 radələrində Ağdaş rayonu ərazisində hərəkətdə olduğu aşkar edilib. YPX postunda polis əməkdaşlarının “Saxla” əmrinə tabe olmayan sürücü yoluna davam edib, İsmayıllı rayonun Xəlilli kəndi ərazisində avtomobildən düşərək qaçıb.
Görülən tədbirlər nəticəsində avtomobili qaçırmaqda şübhəli bilinən Mingəçevir şəhər sakini, əvvəllər məhkum olunmuş M.Abbasov polis əməkdaşları tərəfindən saxlanılıb. 
Araşdırma aparılır.