Nigeriyanın Benue ştatının ərazisində benzindaşıyan maşının partlaması nəticəsində 18 nəfər həyatını itirib. Bu barədə yerli “Vanguard” nəşri məlumat yayıb.

Qeyd olunur ki, partlayışdan sonra meydana gələn yanğın yaşayış evlərinə keçib, yüzlərlə ev yanaraq yararsız hala düşüb.

Hazırda qəzanın baş verdiyi ərazidə xilasedicilərin işlədiyi bildirilir. Həlak olanların sayının artacağı istisna edilmir.