Yanvar-fevralda Azərbaycan 8,2 mln. dollarlıq aviasiya yanacağı ixrac edib

Bu ilin yanvar-fevral aylarında Azərbaycan xaricə 8,199 mln. ABŞ dolları (13,938 mln. manat) dəyərində 10 809,92 ton aviasiya yanacağı ixrac edib.

Avtosfer.az-ın Dövlət Statistika Komitəsinin məlumatları əsasında apardığı hesablamalara görə, ötən ilin eyni dövründə ölkə sözügedən yanacağdan demək olar ki, ixrac etməyib.

Hesabat dövründə, Azərbaycanın aviasiya yanacağının əsas alıcıları Lüksemburq, Gürcüstan və Türkiyə olub. İlin ilk iki ayında Azərbaycan Lüksemburqa 2,647 mln. dollar dəyərində (4,499 mln. manat) 4 246,42 ton, Gürcüstana 2,045 mln. dollarlıq (3,477 mln. manat) 2 599,69 ton, Türkiyəyə isə 938,9 min dollarlıq (1,596 mln. manat) 1 049,74 ton aviasiya yanacağı ixrac edib.