Sığorta şirkətlərini aldatmağa çalışan sürücüləri nə gözləyir? - VİDEO

Sürücülər arasında bəzən sığorta fırıldaqçılığı halları yaşanır, burada bəzi şəxs və ya qruplar, sığorta ödənişləri almaq məqsədilə qeyri-qanuni yollarla hadisələri saxtalaşdırır. Bu tip fırıldaqçılıq, məsələn, qəsdən zədələnmiş avtomobillərin sığorta şirkətlərindən yüksək ödəniş almaq üçün təhrif edilmiş məlumatlar təqdim edilməsindən ibarət ola bilər. Belə hallarda sığorta şirkətləri zərər çəkir və bu, həmçinin digər sığorta sahiblərinin haqsız olaraq daha yüksək sığorta haqları ödəməsinə səbəb olur.

Sığorta fırıldaqçılığının qarşısını almaq üçün hüquq-mühafizə orqanları və sığorta şirkətləri davamlı olaraq bu cür halları araşdırır və cəzalandırma tədbirləri həyata keçirir.

Avtosfer.az xəbər verir ki, "Avto FM" radiosunun efirində qonaq olan Azərbaycan Sığortaçılar Assosiasiyasının ekspert qrupnun üzvü Emin Allahverdiyev bildirib ki, bu yaxınlarda Avropada belə bir dələduzluq halı baş verib:

“Şəxs əynində vəhşi heyvan forması, dəqiq desək, ayı forması geyinərək öz avtomobilinin üzərinə çıxmış və ona zərər vurmuşdu. Bu hadisə kamera görüntülərinə düşüb. Şəxs heyvanların hərəkəti nəticəsində dəymiş zərər üzrə təminat almaq istəyirdi, lakin avtomobilə zərər vurması aşkar edilmişdir. Təbii ki, bu şəxs layiqli cəza alıb”.

Emin Allahverdiyevin “Avto FM” radiosunun efirindəki həmin çıxışını sizə təqdim edirik:

Eltac Zülfüqaroğlu