Ata avtomobilini oğluna etibarnaməsiz verə bilərmi – QANUN NƏ DEYİR? - VİDEO

Avtomobilini ailə üzvünə, xüsusilə də oğluna idarə etmək üçün verən sürücülər bəzən etibarnamənin tələb olunub-olunmadığı ilə maraqlanırlar. Bəs ata öz avtomobilini oğluna etibarnaməsiz verə bilərmi?

Avtosfer.az xəbər verir ki, nəqliyyat eksperti Rüfət Əmiraslanov bu məsələyə aydınlıq gətirib.

Ekspert bildirib ki, ata ilə oğulun eyni evdə və ya ayrı-ayrı evlərdə yaşamasından asılı olmayaraq, avtomobili idarə etmək üçün etibarnamə tələb olunur.

Onun sözlərinə görə, avtomobil sahibinin oğlu olması bu tələbə istisna yaratmır. Bununla belə, yaxın qohumluq münasibətinə görə etibarnaməni 50 faiz güzəştlə rəsmiləşdirmək mümkündür.

Eltac Zülfüqaroğlu