“BakuBus”un sürücüsü başqalarına qoşulub 100 manat 4 ballıq qayda pozdu – VİDEO

Bu gün saat 12.50 radələrində Bakının İzzət Nəbiyev küçəsində bir neçə sürücü yol hərəkəti qaydalarını kobud şəkildə pozub. Avtosfer.az xəbər verir ki, sıxlıq zamanı başqaları ilə eyni cərgədə dayanmağı özünə sığışdırmayan “Ford” markalı, 99-VO-896 dövlət nömrə nişanlı avtomobilin sürücüsü əks istiqamətə çıxaraq 100 manat 4 ballıq qayda pozuntusuna yol verib. Eyni xətanı “BakuBus” MMC-nin sürücüsü də törədib. 99-JU-568 dövlət nömrə nişanlı avtobusun sürücüsü sərnişinlərin həyatını təhlükəyə ataraq kobud qayda pozuntusuna yol verib. Bundan başqa, “Mercedes” markalı, 99-MA-667 dövlət nömrə nişanlı avtomobilin sürüsü də İnzibati Xətalar Məcəlləssinin 327.4-cü maddəsinin tələbini pozaraq 100 manat 4 ballıq qayda pozuntusuna yol verib.

Oxuculardan birinin göndərdiyi görüntüləri təqdim edirik:

Emin