Boş yolda “sağ-sol” edib təkər izi buraxan “avtoş” sürücü - 02-CA-491 - VİDEO

Yol-hərəkəti qaydalarını kobud şəkildə pozan sürücünün videoları sosial şəbəkədə paylaşılıb.

Avtosfer.az-ın məlumatına görə, görüntülər Ağcabədi rayonu Biləğan kəndində qeydə alınıb. Hərəkətdə olan 02-CA-491 dövlət nömrə nişanlı “VAZ-2106” markalı avtomobilin sürücüsü sərt manevrlər edib. Belə ki, yolun boş olmasından sui-istifadə edən sürücü avtomobili gah sağa, gah da sola sürərək asfaltda çoxsaylı təkər izləri buraxıb. Bu zaman o, maşındakı sərnişinlərlə yanaşı yoldan keçən piyadaya da təhlükə yaradıb. Videodan da göründüyü kimi, sürücü maşını nasaz vəziyyətdə və ön dövlət nömrə nişanı olmadan idarə edib.

Qeyd edək ki, sürücünün törətdiyi qayda pozuntusu İnzibati Xətalar Məcəlləsinin müvafiq maddəsinə əsasən tənzimlənir. 
 

Nərmin