Göygöldə "avtoş"luq edən sürücü məhkəməyə çıxarılıb CƏZALANDIRILDI - VİDEO - FOTO

Göygöl rayonu ərazisində yol hərəkəti qaydalarını kobud şəkildə pozan sürücü saxlanıldı. Daxili İşlər Nazirliyinin Mətbuat Xidmətinin Gəncə regional qrupunun rəisi polis baş leytenantı Eşqin Qasımov Avtosfer.az-a açıqlamasında bildirib ki, 90-HH-074 nömrəli “VAZ- 2114” markalı avtomobilin əks hərəkət zolağına çıxması, təhlükəli manevrlər etməsi və avtoxuliqanlıq edərək cəmiyyətə açıqca hörmətsizlik etməsi barədə video yayıldıqdan sonra dərhal Göygöl rayon Polis Şöbəsində müvafiq araşdırmalar aparılmış və rayon sakini 1992-ci il təvəllüdlü Eşqin Bayramov barəsində toplanılmış material baxılması üçün rayon məhkəməsinə göndərilib. Məhkəmənin qərarı ilə o, İnzibati Xətalar Məcəlləsinin 511-ci ( Avtoxuliqanlıq) maddəsi ilə təqsirli bilinərək 500 manat cərimə və 1 il müddətinə sürücülük hüququnda məhrum edilib. Onu da qeyd edim ki, E. Bayramovun Göygöl rayon Polis Şöbəsində işləyən hər hansı bir rəhbər vəzifəli qohumu yoxdur.

Təbriz