Masazırda dar küçəni zəbt edib günlərlə “yoxa çıxdı” - 77-AF-924 - VİDEO

Abşeron rayonu, Masazır qəsəbəsində qayda pozan sürücü görüntülənib. 

Bu barədə izləyicilərdən biri Avtosfer.az-ın “Whatsapp” ünvanına videomaterial göndərib. Hadisə dekabrın 6-da səhər saatlarında Seyid Əzim Şirvani küçəsində qeydə alınıb.

Kadrdan göründüyü kimi, 77-AF-924 dövlət nömrə nişanlı “Toyota” markalı avtomobilin sürücüsü dayanma-durma tələblərini pozaraq nəqliyyat vasitəsini yaşayış məhəlləsinin arxa küçəsində saxlayıb və ərazidən uzaqlaşıb. Şikayətçinin sözlərinə görə, sürücü avtomobili ötən günün axşamından - dekabrın 5-dən həmin yerdə saxlayıb və özü həmin ünvanda yaşamır. Bu səbəbdən küçədən istifadə edən sakinlər hərəkətdə çətinlik çəkib, digər avtomobillərin keçidi isə demək olar ki, tam məhdudlaşıb. İzləyici iddiasına əsasən, sakinlər sürücüyə xəbər verməyə çalışsalar da, onunla əlaqə yaratmaq mümkün olmayıb.

Qanunvericiliyə əsasən, dayanma-durma qaydalarının pozulması yolun daralmasına, digər nəqliyyat vasitələrinin hərəkətinin məhdudlaşmasına, yaşayış məhəlləsi daxilində keçidin bağlanmasına səbəb olarsa, inzibati məsuliyyət yaradır və sürücüyə cərimə tətbiq olunur. 

Sürücülər nəqliyyat vasitəsini yalnız xüsusi ayrılmış və hərəkətə maneə yaratmayan yerlərdə saxlamaqla həm öz təhlükəsizliyini, həm də digər sakinlərin hüquqlarını qorumuş olurlar.

Nərmin