Məşhur küçədə "protiv" gedən sürücülər yenidən peyda oldu - VİDEO

Bakıda qaydaları pozan sürücülər kameraya düşüb. Avtosfer.az xəbər verir ki, videogörüntü noyabrın 17-də, paytaxtın Əhməd Rəcəbli küçəsində qeydə alınıb. Belə ki, 77-GA-831 və 77-BT-925 qeydiyyat nişanlı "Toyota Prius" markalı, 90-MO-044 qeydiyyat nişanlı "BMW" markalı və 90-TV-020 "Hyundai" markalı avtomobillərin sürücüləri qoşa xəttin tələbini pozaraq əks yola çıxıblar. Onlar görüntünü qeydə alan sürücünün üzərinə sürərək təhlükə yaradıblar.

Qeyd edək ki, əvvəllər də sözügedən küçədə kütləvi şəkildə qayda pozan sürücülərin videoları Avtosfer.az saytında dərc edilib. Təəssüf ki, sürücülər hələ də qayda pozmaqda davam edirlər.

Fərid