Nömrəsiz “VAZ”la “sağ-sol” edib təhlükə yaradan sürücü CƏZALANDIRILDI - VİDEO - YENİLƏNİB

Yayılan görüntülərlə bağlı Qaradağ rayon Dövlət Yol Polisi Şöbəsində araşdırma başlanılıb və sürücü polis əməkdaşları tərəfindən müəyyən olunub. 
Avtosfer.az-ın məlumatına görə, şöbəyə dəvət edilən sürücüylə profilaktik söhbətlər aparılıb və törətdiyi xətayla əlaqədar barəsində inzibati tənbeh tədbiri görülüb.

***

15.07.2025, 16:35

***

Yol hərəkəti qaydalarını kobud şəkildə pozan sürücünün videoları “TikTok” sosial platformasında paylaşılıb.

Avtosfer.az-ın məlumatına görə, 10-ML-968 dövlət nömrə nişanlı “VAZ-2106” markalı avtomobilin sürücüsü yolda təhlükəli manevrlər edib. Belə ki, Qobustan qəsəbəsi ərazisində qeydə alınmış görüntüdə sürücü “sağ-sol” edərək “şou” göstərib. Digər kadrda isə o, avtomobili dövlət nömrə nişanı olmadan idarə edib. Qayda pozan sürücü maşının konstruksiyasına da müdaxilə edərək arxa yayları kəsərək ön hissəsini qaldırıb. 

Nərmin