Öz kefiylə hərəkət edən sürücü sağ zolağı kəsdi - VİDEO

Yolun hərəkət hissəsində yerləşmə qaydasını pozan sürücü hərəkəti çətinləşdirib. Avtosfer.az xəbər verir ki, hadisə oktyabrın 26-da, Bakı-Sumqayıt yolunda baş verib.

Belə ki, 90-RZ-804 qeydiyyat nişanlı "Mercedes" markalı avtomobilin sürücüsü sağa dönəcəyini bilsə də, əvvəlcədən sağ zolaqda yerləşməyib. O, sol zolaqdan qəfil sağa dönərək düzünə gedən nəqliyyat axınının qarşısını kəsib. Daha sonra isə tormozlama zolağından istifadə edərək sağa dönən sürücülərin qarşısına keçərək onlara təhlükə yaradıb.

Qeyd edək ki, bu kəsişmədə hər gün onlarla sürücü qaydaları pozaraq təhlükə yaradırlar. Ümid edirik ki, Dövlət Yol Polisi İdarəsinin əməkdaşları sözügedən yolda intizamsızlıq edən sürücülərə qarşı mübarizə tədbirləri həyata keçirəcəklər.

Könül Rauf