Öz rahatlığını düşünən sürücü hamıya təhlükə yaratdı - VİDEO

Bakıda manevr qaydasını kobud şəkildə pozan sürücü qəza şəraiti yaradıb. Avtosfer.az xəbər verir ki, hadisə iyulun 27-də, paytaxtın Dənizkənarı yolunda qeydə alınıb. Belə ki, 77-RY-162 qeydiyyat nişanlı "Nissan" markalı avtomobilin sürücüsü sağ zolaqla hərəkət etdiyi zaman anidən geriyə dönmə yerinə daxil olmağa çalışıb. Bu zaman sol zolaqlarla hərəkət edən avtomobillərin qarşısını kəsərək onlara qəza şəraiti yaradıb.

Qeyd edək ki, bir az qarşıda daha bir geriyə dönmə yerinin olmasına baxmayaraq, sürücü yolunu qısaltmaq üçün bu hərəkətə yol verib.

Avtosfer.az-ın əldə etdiyi məlumata görə, sürücü törətdiyi xətaya uyğun olaraq İnzibati Xətalar Məcəlləsinin 327.1-ci maddəsilə 40 manat məbləğində cərimə olunub.

Fərid