Qarşıda boş yer olsa da sürücü ikinci cərgədə qayda pozmağı seçdi - VİDEO

Xırdalan şəhərində yol hərəkəti qaydasını pozan sürücü hərəkətə mane olub. Avtosfer.az xəbər verir ki, hadisə Heydər Əliyev prospektində qeydə alınıb. Belə ki, 77-BJ-914 qeydiyyat nişanlı "Chevrolet" markalı avtomobilin sürücüsü ikinci cərgədə dayanaraq sağ zolaqla hərəkət edən avtomobillərin yolunu kəsib.

Videogörüntüdən də aydın olur ki, bir qədər irəlidə parklanma üçün boş yer olsa da, sürücü bunu nəzərə almayaraq avtomobilini istədiyi yerdə saxlayıb.

Bir çox sürücü digər yol iştirakçılarını və ümumi hərəkət axınını nəzərə almadan, sadəcə öz rahatlığını düşünərək qaydaları pozur. Parklanma yerinə 5-10 metr əlavə yol getməmək üçün avtomobili ikinci cərgədə saxlayan sürücülər həm qəza riski yaradır, həm də yol hərəkətinin ləngiməsinə səbəb olurlar.

Fərid