Sürücü piyadanı görsə də dayanmadan hərəkətinə davam etdi - VİDEO

Xırdalanda yol hərəkəti qaydasını pozan sürücü piyadaya təhlükə yaradıb. Avtosfer.az xəbər verir ki, hadisə Heydər Əliyev prospektində qeydə alınıb.

Belə ki, 77-PF-741 dövlət nömrə nişanlı "Khazar" markalı avtomobilin sürücüsü yol hərəkəti qaydalarını pozaraq, piyadaya təhlükəli vəziyyət yaradıb. Hadisə zamanı piyada səkidən keçidə daxil olaraq yolu keçməyə başlayıb. Lakin sürücü qarşısında hərəkət edən piyadanı görməsinə baxmayaraq, sürətini azaltmayıb və hərəkətini davam etdirib. Sürücünün bu məsuliyyətsiz davranışı qəza riskini artırıb.

Piyada yaranan təhlükəni vaxtında görərək, ehtiyatlı davranıb və yerində dayanaraq qəzanın qarşısını alıb.

Fərid