Sürücülərin "protiv" getdiyi Əhməd Rəcəblidən yeni görüntülər var - VİDEO

Paytaxtın Əhməd Rəcəbli küçəsində qayda pozan sürücülərin növbəti videosunu oxuculardan biri qeydə alaraq redaksiyamızın qaynar xəttinə göndərib. Avtosfer.az xəbər verir ki, 10-DP-014 “Hyundai” markalı, 90-HU-397 “VAZ” markalı, 99-OB-228 “Hyundai” markalı, 10-FA-055 “Mercedes” markalı, 90-VJ-122 “Hyundai” markalı avtomobillərin sürücüləri qoşa xəttin tələbini pozaraq əks yola çıxıblar. Onlar axına qarşı hərəkət edərək qarşıdan gələn avtomobillərə təhlükə yaradıblar.

Qeyd edək ki, həmin küçədə qayda pozan sürücülərin videosu dərc edilən kimi Bakı şəhər Dövlət Yol Polisi İdarəsi dərhal məsuliyyət tədbirləri görür. Lakin təəssüf edirik ki, sürücülər özlərini və digər insanların həyatını təhlükə altında qoymaqdan əl çəkmirlər.

Emin