Təhlükəsizlik üçün keçidə svetofor quraşdırıldı, amma piyadaların vecinə deyil - VİDEO

Xırdalan şəhərində nəqliyyat hərəkətinin daha effektiv təşkil olunması məqsədilə edilən dəyişikliklərə baxmayaraq, bəzi piyadalar yenə də əvvəlki vərdişlərinə uyğun olaraq hərəkət edirlər. Avtosfer.az xəbər verir ki, Heydər Əliyev prospektindəki piyada keçidinin yeri dəyişdirilərək əraziyə svetofor quraşdırılıb. Bu addımın əsas məqsədi piyadaların və sürücülərin təhlükəsizliyini təmin etməklə yanaşı, nəqliyyatın fasiləsiz axınını qorumaqdır.

Əvvəllər burada nizamlanmayan keçid olduğu üçün piyadalar istədikləri vaxt yolu keçərək avtomobillərin hərəkətində ciddi maneələr yaradırdılar. Bu isə tıxacların və qəzaların artmasına səbəb olurdu. Lakin nizamlanan keçidin yaradılmasına baxmayaraq, bəzi piyadalar hələ də köhnə vərdişlərindən əl çəkməyərək yolu əvvəlki yerdən keçirlər. Bu davranış həm onların həyatını riskə atır, həm də nəqliyyat vasitələrinin hərəkətində gecikmələrə səbəb olur.

Fərid