Telefonla oynayan sürücü svetoforda "yatıb" qaldı - VİDEO

Müasir dövrdə mobil telefonlar insanların ayrılmaz hissəsinə çevrilib. Hətta sosial şəbəkələr yarandıqdan sonra insanlarda telefona qarşı aşırı bir asılılıq yaranıb. Çox təəssüf ki, yolu keçən piyadalar, həmçinin sükan arxasında olan sürücülər də telefondan istifadə edirlər. Lakin bu, çox təhlükəli bir hərəkətdir.

Avtosfer.az xəbər verir ki, belə sürücülərdən biri Badamdar şosesində kameraya düşüb. Belə ki, "Toyota" markalı avtomobilin sürücüsü sükan arxasında telefonla məşğul olduğu üçün svetoforun yaşıl işığının yanmasından xəbərsiz olub. Əks tərəfdəki sürücü hərəkətə başlayıb onun yanından keçən zaman, o yenə də hərəkətə başlamamışdı.

Sürücülərə tövsiyə edirik ki, sükan arxasında telefondan istifadəni minimuma endirsinlər. Çünki telefonla məşğul olan sürücü yolda baş verən hadisə ilə bağlı vaxtında qərar verə bilmir. Bu səbəbdən qəza qaçılmaz ola bilər.

Fərid