Tıxacda qabağa düşmək istəyən sürücü əks yollarla hərəkət etdi - 10-DC-200 - VİDEO

Sıxlıq zamanı yol hərəkəti qaydasını pozan sürücünün videosunu oxuculardan biri redaksiyamızın qaynar xəttinə göndərib. Avtosfer.az xəbər verir ki, hadisə paytaxtın bir neçə küçəsində baş verib.

Belə ki, 10-DC-200 qeydiyyat nişanlı "Mercedes" markalı avtomobilin sürücüsü tıxacda qalmamaq üçün öncə Özbəkistan küçəsində əks yolla hərəkət edib. Daha sonra isə Tofiq Abbasov küçəsinə dönərkən yenidən əks istiqamətdə yoluna davam edib.

Bu qədər qayda pozmasına baxmayaraq, görüntünü qeydə alan sürücü Atatürk prospektində onunla yanaşı hərəkət edib. Bu zaman o, qəfildən sağa manevr edərək arxadan gələn sürücüyə təhlükə yaradıb.

Sözügedən videonu təqdim edirik.

Fərid