Yaşayış zonasında bir-biriylə yarışan sürücülər - 49-BF-941 və 10-EE-476 - VİDEO

Paytaxtın Sabunçu rayonu Ramana qəsəbəsində kobud qayda pozan sürücülər görüntülənib. 

Avtosfer.az-ın məlumatına görə, video “TikTok” sosial platformasında paylaşılıb. Belə ki, 49-BF-941 dövlət nömrə nişanlı “VAZ-2107” markalı və 10-EE-476 dövlət nömrə nişanlı “VAZ-2101” markalı avtomobillərin sürücüləri yaşayış zonasında yarışaraq bir-birini ötməyə çalışıblar. Eyni zamanda “VAZ-2101” markalı avtomobilin sürücüsü avtomobilin arxa yaylarını kəsərək ön hissəsini qaldırıb.

Qeyd edək ki, İnzibati Xətalar Məcəlləsinin 511.1.1-ci maddəsinə əsasən, aşkar surətdə iki və ya daha artıq mexaniki nəqliyyat vasitəsinin iştirakı ilə sürət yarışı təşkil edilməsinə görə, avtomobili idarə etmək hüququ bir il müddətinə məhdudlaşdırılmaqla 500 manatdan 750 manatadək məbləğdə cərimə edilir və ya nəqliyyat vasitəsini idarə etmək hüququ bit il müddətinə məhdudlaşdırılmaqla işin hallarına görə, pozuntunu törədənin şəxsiyyəti nəzərə alınmaqla, 15 gündən 1 ayadək müddətə inzibati həbs tətbiq olunur.

Nərmin